أول موضوع

فكره غريبة علي جت في دماغي
بس هي فكره عادية
لكن عاجباني قوي.. أتكلم بالعامية
وافك حبه من الضغط اللي فيا
صراحه هي فكره حلوه
ياريت كل الناس تعملها
بجد حاسه بشئ غريب من زمااان ماحستوش
حاسه اني طفله وبلعب براحتي مش بفكر
مهم قوي نخرج من كل قيودنا
نحاول نرجع نستكشف الطفل اللي جوانا
كل واحد جواه طفل عيل لسه بيلعب
ويقول لروحه لا انا كبرت
لا لو دورنا عليه جوانا حنلاقيه
فكره حلوه قوي
تساعدنا شويه نرجع برائتنا
ياللا كلنا نعمل ده
بجد مش هزار ولو اني عايزه العب واشخبط
بجد واطير بالونات كمان
انا هنا ححاول اعمل كل شئ
وأي شئ ييجي في بالي
جناني عيالي اي حاجه تكون
انا عندي مدونتين
واحده بكتب فيها أحاسيسي على الورق
التانيه بحط فيها افكاري شويه جد يعني
اوقات بيكون الواحد مخنوق .. اوقات؟.يووه ده كتير
قلت ليه مااشخبط وقول اللي انا عايزاه بأي لغه
عاميه فصحى اللي ييجي على بالي
ودي اولها بجرب
معلش انا مش متعوده لسه إني اكتب بالعميه
بس حلوه حلوه قوي الحكايه دي
وكل شويه انسي همومي وانسى الدنيا
واجي هنا العب واهيص

ماجدة الصاوي