شوية تشجيع

حلو قوي لسه بقول ياهادي ودخلت المدونه لقيت اول تعليق
خيريارب الحمد لله لقيت حد يشجعني
بس انا مصممه اقاوم واكون حره شويه في كلامي من غير ماافكر
اكتب اللي على بالي وعلشان مااعدش اقول اي كلام وخلاص

اليومين دول النت مش شغال كويس بسبب اللي حصل بانقطاع
الكابلين في البحر المهم الموضوع ده ضايقنى كتير
اعمل ايه مدمنة نت على الاخر هو فعلا لي كل الدنيا
بجد لقيته احلى من الدنيا اللي بره واروق واعمل اللي انا عايزاه من غير
وجع قلب من حد لقيت راحتي وحريتي في التعبير والكتابه والثقافه وكله

لكن المدونات الحمد لله شغالة معايا فل والصراحه ده خلاني اتعمق في المدونات
انا اكتر بالمنتديات لقيت شغل هايل هنا والاعلبيه مصريين شئ رائع بجد
وشباب عالم تاني غير باقي المواقع
انا بس كنت عامله المدونات يعني علشان اجمع موضوعاتي وبس
واشبع هواياتي الفنيه في تنسيق المدونه والصور وكده يعني
انا اصلا بارسم وده السبب اللي بيمتعني في تنسيق المدونه شئ ممتع ليا

لكن المفجأه قعلا الشباب والبنات المصريين اللي بالمدونات هنا رووعه بجد
فعلا نوابغ بس ياخساره فعلا كله بيفك كبت ومطحون لكن المصريين
حيفضلوا هم هم المصريين دايما فيهم كل شئء شعب عجيب فعلا
مبدع عبقري مظلوم يتحمل كل اسيه ويعمل ايه يفك ويفضفض
باي طريقه بس لايقع ولاينهزم ولاينكسر
بجد برافوا ياولاد مصر وربنا يفك اسرك يامصر من اللي ظلموكي ونهبوكي
وماسابوكي لكن رب معاكي بس هموا زياده يااجدع شباب خللوا قوة عقولكم اكتر
تهد جبال الظلم ....................................يارب


ماجدة الصاوي

تعليقات

  1. اولا انا فرحان جدا لاني حجزت اول تعليق
    ثانيا مدونتك الجميلة لها طابع خاص غريب عن اي مدونة دخلتها
    اكيد الطابع دة مش غريب علي ذوق صاحبتها الحميلة
    احب اقولك انك وصفتي الشعب المصري بطريقة احييكي عليها
    وربنا معانا ومعاكي
    ويلا شدي حيلك وورينا اجمل المواضيع

    ردحذف
  2. كلامك روعه
    وفعلا دا اللى اغلبنا عمله
    اول مافكر يعمل مدونه
    يجمع فيها مواضيعه اللى منتشره فى المنتديات
    بعض من كتاباته المتواضعه

    تقبلى مرورى
    اللى هيكون دائم ان شاء الله
    احمد سكر

    ردحذف
  3. عبد الرحمن
    وانا كمان فرحة بتعليقك الرائع وواطراءك لمدونتي
    وتسلم على الكلام اللطيف واتمنى اشوفك كتير وان شاء الله اكتب حاجات ظريفه وحلوه

    دمت بود

    ردحذف
  4. احمد سكر
    تسلم والاروع مرووورك
    وان شاء الله فعلا يكون مرووورك دايم

    دمت بود

    ردحذف

إرسال تعليق