ليه بنغرب كلامنا ونعرب الأجنبي ؟؟؟

السلام عليكم ورحمة الله وبركاته

انا بصراحه اليومين اللي فاتوا حسيت اني حتهزم في حكاية اني اكتب بالعاميه
بجد حسيت اني اتخنقت وجيت افكر اكتب هنا ماعرفتش يمكن لسه مش متعوده
بس بجد برضه فرحت قوي لما لقيت ناس بترد وبيعجبها اللي بقوله ......
خير يارب ......... لازم يكون في امل لازم ......................

وبمناسبة المدونات والتعليقات الجميلة اللي بشوفها يارب يخليكوا يارب
لقيت شئ عام وسائد في كل المدونات كان بيضايقني ولسه مضايقني ..
مهما تكون المدونه جادة وثقافيه او سياسيه او دينيه لكن شئ غريب
كله بيسمي الموضوع اللي بيتكتب بوست................
حتى لو خواطر او شعر بوست برضه .....................
ليه فيه ايه والعربي لغتنا راحت فين بوست كلمه اجنبيه
آآآه مننا عربنا كل الكلمات الأجنبية يعني مثلا (setup)
كلنا على النت وعارفين خليناها يسطب................
ياسلام مش بقولكم المصريين دول عباقره .............
والله كل شئ عندهم يلاقوا حل لكل شئ ........
ويتصرفوا عـــــادي مش الجيش بيقولك تتصرف

المهم ليه ما نعمل دعوه في كل المدونات ابتديها انا من هنا ياريت
ويارب تساعدوني شئ بسيط بس نرجع بيه لهويتنا هي موجوده
بس جزء منها متشوشر عليه والباقي طـــــــــار صح ولالا

يعني نعمل دعوه للتعريب اولها هنا المدونات مانقولش بوست نقول موضوع
والخاطره نقول خاطره بلاش بوست برضه ولو شعر نقول قصيدة كده يعني
انتوا يمكن تشوفوها كلمه صغيره بس كل شئ بيبتدي صغير ويكبر
يعني الشئ الصغير لازم يأثر في لغتنا وهويتنا آآه بجد أصل اللغه دي احساس
لما نقول العربي يبقى شويه شويه كلمه في كلمه حنبتدي نحس بالعربي
شويه شويه حنلبس بالعربي ونعبر بالعربي ونعرب حياتنا كلها
ونرجع لنفسنا صدقوني بجد مش هزار وتتحول حياتنا للبعد عن الأجنبي والغربي
لأن ده هو التغريب حتى لو احنا لسه عايشين في بلدنا

ها نجرب بجد انا حعمل ده وياريت تقولوا لي رايكم ونساعد بعض
اننا نرجع لهويتنا يعني لنفسنا يعني لاصولنا يعني لجذورنا
والله بجد الحياه لازم حترجع احلى لاننا حنحس عربي ونعيش باعربي
ياللا خلاص ماشي وانا حفكر نفسي اول واحده لو غلط في اي شئ
أجنبي ......ماشي الموضوع ده ........


ماجدة الصاوي

تعليقات

  1. تحياتي

    موضوع جدير بالاحترام...لماذا لا نستخدم الفاظنا و مفرداتنا العربية؟.

    يمكن لاننا مازلنا في البدايات...او يمكن البعض منا بيكتب مباشرة دون إعداد مسبق....

    يارب دعوتك لاستخدام مفراداتنا العربية تجد صداها بين المدونين العرب.


    تحياتي و تقديري

    ردحذف
  2. الربان
    اهلا بيك
    وتسلم على مروورك وان شاء الله نحاول نتكلم دايما عربي دي لغتنا ودي هي احنا

    دمت بود

    ردحذف
  3. يا سلام فعلا أفكارك متطابقة تماما مع أفكارى أنا تكلمت عن هذا الموضوع فى مدونتى أزواج و زوجات و سوف أخصص مقالة كاملة عنها فى مدونتى المتنفس إن شاء الله.

    بس فين وعدك لى إنك تضعى مدونتى فى المفضلة؟

    ردحذف
  4. لكى منى كل إحترام و تقدير

    ردحذف
  5. دكتور كافي حاضر من عيوني
    لاتزعل
    والله تقول طهقان الدنيا انت عارف
    حقك علي بضيفك اكيد بضيفك
    والله ماتزعل
    بس زورني كتير
    ربنا يكرمك

    تسلم
    دمت بكل خير ومودة

    ردحذف
  6. ولك مني دكتور كل إجلال منورني دايما

    ردحذف

إرسال تعليق